相比烏克蘭，我比較擔心台灣之後嘅走勢，即係「大陸會唔會攻台」嘅問題。香港夾喺中台之間，兩岸一有戰事唔可能唔受影響。外地港人固然可以隔岸觀火，但唔係個個喺香港無親朋戚友，而英國加拿大未上岸嗰班又進退維谷，等又唔知等幾耐，回流又有機會做「真難民」，更加唔好講會唔會有新一波排華浪潮。 當然呢個只係假設，但悲觀咁諗世界唔會永遠唔打仗(i.e. 歷史終結論），只係喺邊度同幾時。官方預期係27年之前具備攻台能力，經濟學人亦有報導大量非西方國家開始倒向支持統一/武統。不過更多可信嘅分析就唔易搵到——兩岸媒體本身就有偏頗立場，或者已經被滲透，而白人本身又無咁care亞洲呢邊嘅事。 未來好難預計。如果用返香港人要plan好哂前途嘅思維去諗嘅話，或者真正嘅role model係俄國底層：學習點樣去做炮灰* *包括經濟、政治同肉體層面