/承上/ Day 4 朝早都仍然係雪地訓練 練習咗好多次滑落制動 我諗教練係想等我哋練出肌肉記憶 因為雪坡滑落嘅話只有2-3秒時間可以俾你做制動 唔係嘅話之後會加速滑落停唔到 所以我哋都好認真練習 而結繩隊嘅原因 就係為咗拖延呢2-3秒嘅時間 如果小隊有隊員滑落 其他2人可以幫手做制動 所以登雪山其實係一項團體運動 整支小隊都係齊上齊落的 食完晏就開始出發攻頂 大概我哋嘅運氣都用咗喺登頂日上 天空萬里無雲出大太陽而且無風 我哋沿路用返上堂學過嘅雪地步法 一步步登上赤岳 但係發現時間唔夠 教練開始加速爆上 慢啲嗰批隊員跟另一位教練未必有時間登頂 所以我唯有緊追教練步伐 急上真係氣都喘埋但平時跑步已經習慣咗呢種感覺 所以只要小心啲行一定可以上到頂 . . /待續/