靚靚髮型：「包你出門口，不包你落街口？」 做咗化妝師幾年， 經常都聽到客人講， 自己辛辛苦苦整的捲髮造型， 出門口前，明明好靚， 出街後，好快就亂了，或直返曬。 我聽到客人咁講，就回應： 「靚靚髮型，是包你出門口，不包你落街口！」 通常客人聽完，都會爆笑， 又會好奇問點解？ 剛做完的髮型，是完美的一刻。 出門後，好多不穩定因素，髮型慢慢每況愈下。 🔴戶外因素： 1️⃣潮濕天氣，是捲髮快速變直的最大因素。 我在日本出差，做婚紗工作，因為天氣乾爽，女仔的前瀏海基本全日保持完美捲度。 2️⃣一陣怪風吹過，吹散咗髮型， 一場突然雨，頭髮濕曬又直曬。 🟢個人因素： 3️⃣髮質偏細軟，髮型好難保持，好快變直。 4️⃣手手多，喜歡玩頭髮，自己整散曬髮型。 如果大家對髮型好物推介有興趣， 或者點樣可以髮型保持更長時間， 歡迎留言，下一篇串文會跟大家分享❤️ 化妝師小故事