「點解我要因為別人一句話，賠上自己一整天嘅情緒？」😣 有一日，我本來心情好好，但突然聽到有人講我閒話。 「佢做嘢唔係幾掂喎。」 「其實佢都冇咩特別，純粹好彩啫。」 聽完之後，我個心一沉，明明之前仲好開心，點解突然間咩都變咗味？ 明明我知道呢啲說話對我嘅人生冇影響，但係…點解仲係會不自覺咁在意？ 我發現，我唔係因為佢哋講啲咩而不開心，而係因為我選擇去在意。 但係，我係咪真係要為呢句說話，賠上自己一整天嘅情緒？ 如果依家有兩條路擺喺我面前— ✅ 一係放下，唔再俾呢句說話影響，專注自己過得開心 ❌ 另一條係一直糾結，自己折磨自己一整天 我會揀邊條？ 我忍唔住笑咗出嚟。 我點解要揀第二條？ 討厭我嘅人，唔會因為我生氣就改變對我嘅睇法。 佢哋繼續過佢哋嘅生活，我卻喺度困住自己，呢樣先至真係人生最唔值得嘅事。 與其浪費時間向唔欣賞自己嘅人解釋，不如將時間花喺真正珍惜自己嘅人身上。 人生好短，我唔想再將自己困喺無謂嘅情緒入面。 所以，當我再遇到呢啲情況時，我會提醒自己：「我有選擇！」 我選擇專注自己真正重視嘅人和事，因為⋯ 真正決定我生活質素，從來都唔係外界，而係我點樣選擇面對世界🥰