再睡五分鐘： 喺台北飲過幾次覺得正正常常（仲買埋個環保杯喺屋企飲水用），喺香港就捉住潮流末端試一試。星期三下晝去都有幾十人喺前面，由排隊到拎嘢飲廿分鐘 棉被安日紅（甜奶蓋）無糖少冰加咕嚕茶凍（午茱綠風味）（$32）： 其實已經對台北飲嗰幾次無乜細節嘅記憶，拎嘢飲時staff叫我攪勻先飲，影相時奶蓋已經開始同茶混合緊，試啖奶蓋就明顯唔係香港人飲開嗰種好firm芝士奶蓋風，所以大家都唔使期望係嗰種感覺，佢係比較輕、飲落甜鹹甜鹹唔係好濃味嗰隻，所以其實飲飲下存在感唔係好大，反而係好快混合成為咗奶茶，嗰下就明點解staff叫攪勻先飲了 個茶我叫咗走甜，但係夾埋奶蓋一齊飲我覺得都夠甜味，日安紅個茶飲落有少少茶嘅苦澀味，但對於我嚟講係仲可以接受嘅臨界點，至於個咕嚕茶凍就真係有輕輕嘅茱莉綠茶味，我自己就幾鍾意，但我走甜都只係飲到有輕輕嘅茶味，如果配有糖嘅奶茶可能佢就有機會有啲淡了 旺角美食