旺角火車站一出就見到呢間面包店，又忍唔住要試吓佢d新產品😋 杜拜朱古力坊間都好貴，但呢間麵包店就出咗杜拜朱古力麵包，除咗價錢大眾化，麵包好鬆軟，朱古力一條條脆卜卜好有口感，我仲試咗幾款唔同口味嘅麻糬波波，一樣有杜拜朱古力口味，朱古力味同樣濃郁，絕對值得一試。 另外不得不提真心鍾意佢哋嘅糯米糍，有好多唔同嘅口味，我最鍾意係華田脆脆，好軟糯我嘅糯米糍加埋華田脆脆，好有口感之餘，亦都唔會太甜，真係非常好食，而屋企人就鍾意食芒果糯米糍，芒果唔會太酸，做飯後甜品真係一流。 另外原來佢哋推出咗盒子蛋糕，一盒都幾多，芋泥蛋糕夠濕潤加埋麻糬一齊食，好香好好味，下次一定要試埋其他口味。 #香港探店 #香港美食 #香港吃货玩乐#简品堂 #香港手信 #香港必买手信 #香港购物攻略 #friendshipmarket