「被恐懼支配，也用恐懼來支配他人」就係其統治嘅最佳總結。無怪乎身邊嘅「戰友」喺佢身故後皆暗自慶祝。然而，「人亡政息」並未有發生，佢嘅專政機器不但在本國延續，更在他國得仿效。史太林主義嘅特色，例如秘密警察、個人崇拜都成為當時極權體系嘅特徵。 史太林神話嘅破滅 唔少人仍然被史太林嘅「功業」迷惑，認為佢嘅「鋼鐵意志」造就蘇聯嘅成功。但係正如作者多番強調，正正就係哩份「鋼鐵意志」釀成無數災難：集體化造成大饑荒及數百萬人死亡、大清洗嚴重損害紅軍嘅戰鬥力。直至德蘇戰爭爆發才有所收歛。能夠戰爭得勝亦不過係因為佢無好似希特拉咁獨攬所有指揮權同決定權。其統治方式事實上弊多於利，以至於死後喺蘇共二十大幾乎遭到全盤否定。佢嘅體制及神話亦隨蘇聯解體而消亡。所謂「祖龍魂死業猶在」，史太林主義或者到今日仍然吸引到一部分人。但係正如馬克思所講：「歷史總是重複上演，第一次係悲劇、第二次係笑劇」。任何想複製其成功嘅人都注定失敗。 (2/2)