醫美廣告唔會話俾你知嘅行業秘密： 1. 部份儀器（只係講部份）所謂第二代或者升級版，都只係rebrand嘅marketing手法，實際上內容可能九成一樣，對消費者嘅效用更加差之無幾 2.廠商好聰明，知道人最需要話題性，所以用類似嘅手法重新包裝舊嘅事物再推出市場，連針劑都可以換過包裝用一樣嘅內容重新出發，真係難為marketing 3. 有啲停產或者不被宣傳嘅產品唔係因為效果唔夠好，而係廠商認為無利可圖，好似駱駝牌暖水壺，當年因為實在太好用，唔會爛，所以啲人就唔需要再買 4. 與其諗乜嘢產品/療程最熱門，不如評估自己嘅需要，人人塊面都唔同，喺追求獨特性嘅過程期間，反而個個去做大眾吹捧嘅療程 5.好多人執着法令紋，但法令紋有好多原因，可以係組織過多導致下垂，可以係骨胳問題導致凹痕，正常人係會有法令紋，有時佢唔係一個需要治療嘅問題，係其他部位老化嘅indicator，需要搵專業人士評估令整體年輕化，而唔係係某啲位置凹落去就不停打填充物/透明質酸 6. 高手不做多餘事，一部機做到好多種功效，一般都係偏生活美容嘅儀器，唔能夠奢求佢哋可以做到戲劇性嘅轉變，屬於日常保養療程