前兩日見到有店主分享服務業遇到嘅「綠茶」客人 留言鬧比較多 有人話客人可能有社恐/心理陰影 話店主冇同理心 有人分享身邊人唔能夠同陌人生講嘢嘅經歷（感謝 獲益不少） 有人問綠茶嘅定義 有人話情侶間嘅相處嗲唔嗲都唔關店主事 有人話唔應該公審客人 有人話錯在用公司名義講咗真心話 甚至後來店主道歉亦有人覺得唔真誠 有宣傳意味 等等 我就覺得係「綠茶」呢個標籤出事 由故事未開始已經assume咗客人係有機心 如果店主係從自己感覺不被尊重 覺得難受 相信唔會有咁大迴響  令我呢兩日不斷浮現最近擺市集 同以前做空姐遇到嘅難受事 😌 例如：第一次擺市集俾客人用散銀丟（仲要唔夠數）然後拎走咗件貨 🤯 客人因為冇飯食（冇白飯但有其他）而問候我全家廿分鐘 🙂‍↕️ 但故事發展多數會以搞笑/溫馨（？）結束 🤣 令我相信惡意係有 但好人好事還是比較多 有興趣聽嗎？下次分享 🫶🏻