呢隻生得牛高馬大嘅小男生叫比比，今年7歲，雖然威猛英俊，但媽媽形容小朋友非常慢熱又怕羞，見到陌生人會大匿匿，坐耐啲喇，就會慢慢慢慢坐大髀同頂頭仔，係隻長期伸脷、好貪食嘅怕羞仔。 據皮叔叔所見，比比確係天生一副驚訝樣，咀咀長期成一字型，經常唔覺意伸出脷仔。媽媽話比比有口臭嘅問題，皮叔叔呢日仔細檢查，都真係唔單止口仔臭，牙牙亦比一般7歲小朋友黃，結果後嚟媽媽話，影完相後帶比比去檢查，所有指數都靚，唯獨牙仔確實唔健康要剝了，最後只保留門牙，好在手術後康復都理想，比比好快繼續大啖大啖食嘢。媽媽回想起嚟都好開心，預約皮叔叔為有牙齒嘅比比影相留念。 由當初領養入屋時得一個叉燒包咁大，到而家7歲喇，媽媽話時間過得真係好快，皮叔叔祝福比比要繼續開心健康，比比無左牙仔都要繼續食好瞓好呀！ 。・°°・・°°・。 伍慶泉 Wilson Ng 我現在是5貓1狗的爸爸 回憶中有跟你們每一隻的生活細節 記錄在照片上 也記錄在爸爸心內 我提供上門寵物拍攝服務，特別貓🐈可以不出門，在熟悉的地方，最自在地影相。 有興趣了解，可inbox肥皮攝記，WhatsApp 94955126啊。 寵物攝影