Nottingham 不專業食評 求好食韓國餐廳推介 ⭐️評分：2.5/5 🤑人均消費：£15 係咪轉咗廚房？？｜味道質素嚴重下降 無骨炸雞：唔脆，但都唔係致命點（因為有汁都預咗唔係超脆個款炸雞），而係皮硬到好似紙皮咁⋯入面嘅肉都好dry。調味正常 BBQ牛仔骨 + 辣炒豬肉：本身諗住會有個爐燒，結果就咁上咗兩碟煮好嘅肉，有啲掃興⋯明明隔離有張爐枱但無比我哋。牛dry，比起Leicester嗰個（請自行追post）差好遠，嗰個雖然細份但好食好多。辣炒豬肉ok嘅，豬肉醃得幾入味，依道菜係全部嘢入面算係比較好食 海鮮煎餅：極腍無脆面，偏厚嗰隻煎餅嚟，勁唔足料，幾乎都係麵粉無乜海鮮，味道都非常一般，因為就係麵粉味 lol 辣牛肉湯：加錢加咗牛肉，結果係牛肉碎（menu無寫）。飲到啖啖熟悉嘅味道⋯⋯辛辣麵湯底，懷疑湯粉開出嚟 依度係兩餐加埋食嘅嘢⋯已經比咗次機會佢，應該唔會去食了 注：服務態度就⋯反映食物質素（炸雞）嗰陣一開始唔理我哋，但之後都收走咗退返錢嘅