2025.03.04 剛剛嘅週末好似又上咗一堂生死教育 總相信將來仲有時間 仲有機會 但原來時間就係唔等人 甚至殺人一個措手不及… 不禁都會諗起阿妹 諗起每一個離開咗但依然心裡記掛嘅人 希望佢哋擺脫肉身嘅束縛後 都能夠自由地做喜歡嘅事 工作期間又偶然有個機會 體驗和想像關於彌留之際嘅種種 如果呢刻即將離開人世 會想同咩人留低啲咩遺言 ？ 記起近兩年深刻嘅體悟 學生登出人生呢個遊戲 爸爸好幾次情況唔樂觀 親人臨終嘅最後一小時 亦師亦友嘅人患上末期癌症 原來同死亡有前所未有咁接近 曾經懷疑自己活唔活得32歲 但又覺得呢個時候終於搵到生存嘅意義 仲有事情想完成 仲有想陪伴嘅人 仲有想去經歷更多嘅想法 仲有想生活落去 好好做人嘅願望 社工大概係咁講 我哋害怕嘅通常係死亡背後嘅嘢 就係大家無法再一同經歷 關係嘅連繫隨著肉身消逝而消失 嗰種失去最令人心痛 若然悲傷無法減少嘅話 就擴展生命嘅容量… 突然的起心肝去睇人類圖 希望自己呢世人有好好咁發揮 感受到呢幾年有慢慢變得接近真實嘅自己 就算係怪人 都可以enjoy呢場遊戲 Thanks for the inspiration.