我一直以為自己冇特別鍾意方大同， 直至呢兩日重溫返佢啲作品， 久違嘅旋律響起，先醒起以前讀書， iPod已經長期播住《Soulboy》， 由屋企返到學校，啱啱好一隻碟由頭播到尾。 細個只係覺得佢個名好特別， 到出嚟做嘢先知道佢個名源自一個宗教， 亦因為佢，當年去以色列時特登去咗海法， 睇下巴哈伊花園呢個大同教聖地。 今日再次聽返《Soulboy》，聽到〈我們能不能〉， 先發現原來佢早喺第一隻碟， 已經寫咗佢對世界大同，無仇無恨嘅願景。 So, can we?