因為嚟緊join唔到認真毛包場,咁啱今日去黃埔食泓一,又原來黃埔嘉禾$45一張飛,所以5刷了。 今次應該係睇得最舒服嘅一次,除咗尾聲有人電話發出訊息聲一次之外,冇俾人踢到櫈、冇人講嘢、冇唔啱timing嘅笑聲（上次睇有個阿叔响小子信發唔到「明白」個音時笑,dunno笑what）、記得對白可以唔使專注字幕focus 返响演員們嘅手語演繹。仲俾我發現隔籬（幾個位距離）觀眾一路睇一路試跟打手語,幾有趣。 其實今日5刷仲有另一個原因；話說之前推介本片俾一位年輕朋友,佢睇完之後提出咗幾個疑問,當下係令我有少少overreacted。所以想入去認真睇多次,睇吓電影當中嘅訊息係咪咁唔容易解讀。希望我可以溫柔地向佢講述。