講下我仔第一個老BEST(W仔)先。 佢哋係維記PN既同班同學, 住隔離屋苑, 今年搬埋去同我地同一個屋苑隔離座。星期六日都會響屋苑個兒童遊樂場玩玩。 朝朝早佢哋都一齊返學。 W仔係內地小朋友, 熱情奔放, 每次見到我仔都來一個大大擁抱, 來個法式bisou, 真係錫落去果隻, 同埋有運動細胞。佢同姥姥講國語, 但同我仔傾計都用英文的, 佢屋企都請菲姐的。同埋我哋都有養狗, so good, W仔同我仔都鐘意狗狗。 W仔父母工作都十分忙碌, 每日都係佢姥姥(即外婆)同埋外公帶。因為佢父母係晚上半夜工作做自己生意的。所以好少好少會見到佢父母, 除咗大日子好似係陸運會之類。 W仔個姥姥同外公都係好NICE既, 真誠直接既長輩。 好搞笑地, 姥姥有時問啲問題直接得好緊要, 哈哈~ 『您屋企多少呎?』『那您們買還是租的?』... 香港人我諗比較少會直接問尼類型既問題?? 不過咁講, 之前同仔仔另一同班外籍家庭第一次約食飯, 佢哋開場白都係直接問我哋做咩職業 =) 可能香港人家長之間, 其實都比較少問, 多數都係講小朋友話題多。 又認識多一點不同文化。