<將跑步融入生活，就係自然儲到里數之法> 有鑑於之前里數唔太多，但又唔想特登為跑而跑，今日就實行一直都想過要做嘅一件事：收工直接輕裝上陣咁跑去運動場開program。作為打工仔嘅跑友，用盡每一分每一秒去跑，自然時間就會好好使，而咁啱今日收18:00，中間個1.5小時正好可以用來做退勤跑。 其實將跑步融入生活呢句，都係睇KFC 訪問羅啟邦（千k 邦）條片所感化。而我最想體會到，就係跑步嘅簡單輕便性：今日就咁一條內膽跑褲同衫，就裝哂電話、錢同水咁離開中心，今日正正係做到呢種輕巧感而滿意。 另一個滿足嘅位就係跑完呢12k easy 都無乜影響開program嘅速度，即使今晚400x8 唔係太甘嘅一課😂往時係怕跑完再食program 會無力或者傷，但宜家自己都驗證左只要keep 住係easy run 體感就無乜大影響。而今日心率終於有開始低番嘅趨勢，上澳景道斜都係keep 係zone 2尾之內，相信只要更多時間累積就會比身體習慣到更多easy 里數。 今日只係個開始，希望之後都可以定時keep 到呢個退勤pattern,慢慢習慣成自然，基礎就不知不覺間打好左。 將跑步融入生活