🐶𝗛𝗮𝗽𝗽𝘆 𝗠𝗜𝗡𝗚𝗬𝗨 𝗗𝗮𝘆❤️ 終於嚟到四月份呢個大日子~ 今次準備咗三個唔同系列嘅應援同大家一齊慶祝小奎既生日，三個唔同嘅應援地點都會派發唔同嘅應援物，希望大家多多支持🫶🏻 首先第一個公佈嘅應援地點會係茶飲店，由於香港嘅四月份已經係一個半夏天嘅狀態，熱辣辣嘅感覺已經慢慢出嚟所以喺呢一個季節就揀選咗相似嘅主題，而咁啱最近小奎都影咗一系列唔同嘅火辣辣照片，所以就有所靈感選擇咗呢一個主題。 𝟏.𝐇𝐨𝐭 𝐥𝐢𝐤𝐞 𝐌𝐈𝐍𝐆𝐘𝐔 ·日期:4月4-6號 ·應援地點:旺角花斑茶社 ·領取詳情:消費一杯飲品即可獲得Hot Gyu杯墊及隨機派發金總御守及Hot Gyu照片。 💎數量有限派完即止。 💎如有任何疑問歡迎DM查詢。