話說 喺我嘅循循善誘嘅教育下 我媽媽嘅亂買卡情況已經得以控制 佢只係會按我比嘅圖同budget買卡 唔會再直接買佢以為我想要嘅卡 而係會影低比我 其實屋企個whatsapp group通常佢都唔多講嘢 主要係我爸先會主動搵我 不過係由我呀婆走咗後 再加我爸掉咗我啲野後 變咗主要係我媽搵我 我話我睇睇下佢買啲卡 有啲原本唔鐘意 不過睇睇下都ok，留嚟自己儲 但依張真係好得人驚 佢喺到笑，話依個好似叫坐枱櫈菇， 話佢見到佢得意嘅一面 又照亮人，又好開心 仲話我每日望多啲，就前途一片光明 所以 我唯有儲埋佢 放喺超夢夢下面 非常尊重🫡