塞尚和雷諾阿的世界──法國橘園美術館及奧賽博物館珍藏展 唔係啲咩藝術expert，但芸芸眾多畫派，我最鍾意印象派。去睇展覽睇印象派嘅畫仲會見到啲質感（圖二），非常有motivation 去親身感受畫的美。 本身展覽前段係比較喜歡Renoir，覺得佢對顏色同光線嘅運用甚具個人特色。去到畫太太啲花簡直係登峰造極，簡直係將花提升到另一個層次。 但去到後期，開始被Cezanne 嘅畫震撼。佢嘅構圖同埋取材，如果put back into context ，係當時比較要求工整嘅繪畫世界，可以講係一個突破！！ 去過唔同地方睇印象派畫展，個人覺得呢個展設計都幾連貫，借兩個大師嘅友誼講一個故事，最後仲慢慢引出野獸派同立體派。 宜家去睇呢個畫展係$50，但申請博物館全年通行證都係$50，絕對值得一睇！由於我平日入場，所以大部分人係遊客，只係略嫌家人說話比較大聲，but inevitable。