青年中心工作日常(5) 尋日開開下組，有個youth WhatsApp me 「今日有啲唔開心，可唔可以落嚟搵你？」 我心諗開緊組喎，點傾呀 但，個youth搵得我，就唔係有啲唔開心咁簡單 「我宜家開緊組，9點完，你9點落嚟？」 9點，準時完組，一行出門口就見到個youth等緊我，一見到我就分享啦 「停一停先，不如我地入房傾？都叫心事呀係咪？」 入咗房，開始聽佢嘅分享 其實都係中學生典型嘅唔開心 比人蝦啦，串番人比老師罰番轉頭啦，屋企事啦 Bilibala 其實有時真係好好笑，聽佢分享個陣我都笑咗出聲， 有時佢分享比人恰嘅內容我會好炆 「老師話就算比人串，都要對人好，唔好做壞人。」 「你老師岩一半啦，孔子不嬲都話以德報怨係戇居嘅行為」 「你又知孔子講咩？」 「我有讀書嫁嘛」 「以德報怨，何以報德？以直報怨，以德報德。」 之後就解釋番佢聽，要用一個正直合適嘅方法去回應傷害你嘅人，愛心比番對你好嘅人就夠。 「你唔似其他大人，成日講大道理，唔岩聽。」 「我岩岩先講完大道理。」 「但你講嘅道理岩聽。」 其實岩聽嘅原因，只係我聽佢講同認同佢感受 應該仲有社工值得大家信任，共勉。