趁精神少少分享下呢段時間嘅住院經歷 1.香港照MRI耳機會播「到此為止」「不許你注定一人」，持續半小時，希望下次可以換歡快啲嘅音樂，例如稻香或者home sweet home 2.韓國醫療真係平到癲，香港照CT$10000，韓國只需$1500（外國人費用），可惜香港唔承認韓國嘅醫療報告，返到香港都要照多次 3. 種豆可以要求護士種手踭內窩！無手背咁痛😆 集中種喺一隻手，留返另一隻手用嚟抽血，Perfect！ （不過尋日做手術俾護士拒絕咗，要種返手背...） 4.以為麻醉師會叫我數到10，佢未開口我已經瞓咗，呢幾年都攰啦…🤣 5.麻醉過咗唔好即時食藥飲水，會嘔到7彩，然後止痛藥都嘔埋出嚟，痛咗大半日 嚟緊可能都要休息一段時間，無論係身體定心理上，想好好放鬆一下～重新思考未來嘅方向 住院日記