琴日去露營坐大嶼山巴士出東涌，全車滿座孭住個大背囊企足全程山路都咪話輕鬆（我廢）。 正當我同友人講：唉早知等多一班可能有得坐，隔離個姨姨話佢地都係總站排咗成粒鐘先上到車，傾傾下仲比咗張相我睇，條隊長到張相影唔晒。多得呢位姨姨講多兩句，我發現原來上到車已是非常幸運。 幾年前嘅我絕對冇諗過今日嘅自己可以feel free地同一個陌生人嗲咁耐，特別本人on profile是個 I 人（不過我更偏好identify as ambivert)，但呢幾年去backpack、去外地主動地同人small talk、參加唔同event、再到參加本地嘅社區營造，都令我更習慣隨時隨地同新嘅人同事建立連結，更明白到keep住自己嘅心智open to new input係幾咁珍貴嘅事。而呢件事唔關你係一個introvert定extrovert事。 有時人生遇到一啲kick位時，講咩靠自己轉念都是bullshit，咁容易自己做到就唔會個個都覺得人生真難，但凡偶有一個人行過點醒你都是美好的緣份。更重要嘅係要聽得入耳，首先要有一個空性的心，可以裝載到萬物，就萬物都在你一念之間。 感激呢個姨姨，也感謝自己。