有關外賣app 小弟仍然認為，如果時間許可嘅話，行去餐廳食、或者就算係叫外賣，都係打電話去叫再去攞，以現金付款，先能夠確保付出嘅每一蚊，都係流到去商戶手，再分落去員工身上，到最後變成你食入口嘅嘢。 用app叫嘢，當價錢係一樣甚至比堂食平，但同一筆錢要俾平台抽佣，要出糧俾斷單計嘅外賣員，要俾電子支付手續費，首當其衝影響嘅，其實就係將要食落肚嘅嗰一餐。