袋鼠收皮鳥，熊猫還會遠嗎？--外賣速遞平台Deliveroo香港結業：行業生態嘅負面真相同未來展望（如有） 喂，好耐無咁大件事🥲 連袋鼠都頂唔住香港生意太好，Deliveroo（簡稱袋鼠）呢個OG外賣速遞平台，竟然喺2025年3月10日宣佈撤出香港市場，仲要自行清盤！呢個消息真係令人震驚又不捨，我哋今日就同大家一齊深入探討吓袋鼠點解會仆街，分析吓行業生態嘅負面因素，仲有外賣市場嘅未來（如有）會點樣。睇完記得comment share subscribe CLS我哋嘅YT頻道「斜槓X檔案」，仲有 ✴️脆ig雙追必回✴️， ✴️脆ig雙追必回✴️， ✴️脆ig雙追必回✴️，快啲同我互動啦！ 市場競爭：尾豚（Keeta）嘅兇殘低價戰 袋鼠結業嘅頭號兇手，梗係香港外賣市場嘅惡性競爭。近年尾豚（Keeta）用咗一個「殺敵一千自損八百」嘅偉大燒錢策略，瘋狂搶客。佢哋用超低價同狂派優惠，搞到Deliveroo同Foodpanda都頂唔順。根據2024年嘅最新數據，尾豚喺香港市場份額衝破50%，而袋鼠呢？得可憐嘅5%！呢啲數字話你知，袋鼠喺呢場價格戰入面，已經畀尾豚打到一仆一碌，連渣都無剩。