收回程隧道費係有原因㗎，唔係咩「on9條例」 1️⃣ 的士司機唔係過咗海就一定有客返程 佢哋載你過海之後，有機會要空車返去，如果唔收回程隧道費，即係要佢哋自己袋住條數？ 2️⃣ 無回程費，啲司機更唔願過海 如果要佢哋自己俾回程費，最直接嘅結果就係：你會更難Call到過海的士，如果係街截，甚至會出現拒載情況，到時又會係乘客自己麻煩。 當然，拒載係司機100%唔啱，呢點冇得爭辯。但現實係，呢個收費模式某程度上可以減低司機拒載嘅動機，令佢哋唔會因為怕蝕而直接唔接單。 事實上，三隧分流之後，的士直接收$25+$25，已經少左好多司機會唔過海。 3️⃣ 政府本身都想用增加收費嚟減少擠塞 香港得三條過海隧道，政府加收費都係想控制流量，如果成日都有大量人搭的士過海，結果只會令過海隧道更加塞，對所有人都無著數。 所以講到底，回程隧道費其實係為咗確保的士服務正常運作，同時減少拒載情況同減少隧道塞車，確保乘客能夠更容易搭到的士。