今日睇到連戶戶送都撤出香港嘅新聞，令我諗起以前有一段返part-time嘅時光 記得以前想休息一下，冇搵full-time嘅時候我就加入咗一啲兼職群組，嗰時兼職都無非係運動品牌/送貨平台，有時好彩啲嘅可能會有啲Event可以返到。但係我記得我嗰陣時返嘅第一份兼職就係返送貨平台，一嚟佢哋嘅更多需求大，二來係因為多個地點總有一個近我屋企☺️你返工之前都會覺得呢份工嘅工作內容都幾吸引，主要係負責接單出單同售後跟進，有時真係得閒上嚟係可以自己做自己嘢㗎😛 所以當今日收到戶戶送要撤出香港嘅消息，我第一時間諗到嘅係有幾多全職同兼職人仔又少緊一個機會，上個月收到連政府工凍薪嘅消息，然後再陸陸續續收到一啲品牌撤出香港，連呢個知名嘅平台都離開嘅時候，諗深一層其實返工都唔係大家想像中咁安穩平穩😎