其實「命運總有安排」呢一樣嘢都幾真心癲 話說最近都同好多新朋友分享我嘅故事經歷，有時候佢哋嘅角度去望我嘅時候都會比我有新嘅啟發同靈感 令我深刻印象係/  當佢哋問我點解由一個理科生轉去讀設計，我一直以為我嘅原因係因為我好鍾意睇靚嘢，但佢哋聽到我原來細細個已經跟爸爸去學裝修望住爸爸工作，有機會係從小已經受到家庭嘅影響，我自己都未發現過✨ 再有人問點解我畢業之後走咗去一間大型嘅銷售店舖，但係做一個室內設計師，而唔係去一間設計公司度做設計師，我嘅答案係因為嗰陣時我受到台劇影響而走去做👀 但後來因為呢10年嘅經歷令到我而家出嚟創業嘅時候，原來有好多一啲銷售技巧或者商業方向，甚至係一啲前瞻性嘅思考都係來自於我係一間唔係傳統設計公司做嘢經驗而學懂的✨ 所以呢兩件事比我嘅啟發係/ 有好多經歷經驗，你以為同你嘅人生方向唔啱路嘅時候，其實宇宙永遠都唔會直接俾你想要嘅嘢你，但透過呢啲經驗令你慢慢成為你想成為的，所以而家嘅我每日對住宇宙說：「來吧，我預備好!」