【2025最新懶人去巴西攻略】 前言： 因為工作首次踏足南美洲去咗巴西里約熱內盧（以下簡稱Rio），亦都因為第一次所以留多幾日自己周圍行吓hea下，咁去之前公司都有巴西同事打定底話嗰度治安好差，千祈唔好喺條街邊或車入面毫無防備拎電話相機，所以做嘢同埋周圍去都好小心，做咩都係一大班人行動。 經過幾日嘅巴西富豪生活後，又覺得冇乜特別差吖，不過都知跟公司去d地方都係有錢人地頭，最多係酒店附近、沙灘或者景點危險啲，所以一直都擔心自己一個嗰時會點，都唔敢拎本身啲相機鏡頭出嚟影。以下會分幾樣野食住行治安娛樂等簡單講下。 治安： 首先都係大家最擔心嘅嘢，去之前都有少少自信自己又黑又唔算細粒，着頹啲應該安全，但其實亞洲人樣真係勁突出，尤其拎住相機，所以我都淨係敢拎細機仔影完就擺入褲袋。自己喺Rio行咗幾日當然係越嚟越大膽，但都唔建議一個人夜晚拎住相機周圍影，日頭就比較放心，因為都有好多外國遊客。另外有個小貼士係着當地球會法林明高波衫，目測每十個人就有一個着。 留言續