交通： 去之前都睇過啲電車地鐵，所以先揀ibis centro，不過有個交通方法香港人非常熟悉，就係uber。自己玩嗰6日都係去邊都uber，每程$10-$90左右，佢會計埋塞車錢等等，有一日去球場睇波來回都係uber，我去呢段時間因為Rio Carnival 所以好多路封咗，如果其他時間去應該塞少好多，車費都平啲。 錢： 帶咗美金過去諗住唱巴西R$，點知跟公司唔使用錢所以都冇人唱，到自己一個時都冇乜留意唱錢，因為當地最常用就係香港人最熟嘅碌卡，有幾普遍？就係我喺街邊檔買假波衫都有得碌卡！而唯一遇到冇得碌卡就係球場睇波喺觀眾席賣酒嘅阿伯。 最後想講嘅係，Rio市中心大部分街都有浸尿味，因為佢哋男女都係就咁喺街屙尿，真係咁大個仔第一次見有女人當街屙，企又有踎又有，視線範圍有幾個女人屙尿好誇張。