一直以為創業帶比我嘅嘢，只有時間自由同金錢自由✨但經歷完呢兩個月我發覺嘅截然不同☁️ 呢兩個月因為我嘅旅居故事，而令到我認識咗唔少網上朋友，一開始都會好奇：到底呢個生活係咪真係想像中咁開心？點樣先可以一邊去旅行一邊有收入？都會覺得係只有我輸出你哋吸收 但到後來慢慢建立關係，我發覺你哋嘅出現先係我創業路上最大嘅禮物🩷 你哋慢慢願意同我分享你哋嘅人生故事，人生嘅失敗失意失戀，甚至係一啲你哋同身邊嘅朋友都冇講過嘅小秘密，我好感恩能夠成為你哋嘅樹洞，更加令到你哋可以勇於追夢過自己更好嘅生活，甚至成為你哋一直好想成為更好嘅人🩷 多謝你哋都比我更加了解自己，亦都感恩可以成為一個影響到你哋變得更加好追求更加正面嘅自己，我想像如果我仲留喺我原本職業打工嘅世界，根本無法令到我去睇到更大嘅自己，甚至聆聽更多不同人嘅故事，所以你哋成日多謝我Backup你哋，我更加應該多謝你哋，喺我仲未好成熟或者能夠有好多經驗分享俾你哋嘅時候相信我☁️ 所以我繼續將我嘅故事經驗同更加多想了解又同行嘅人分享，啲人成日話你咁忙花時間見咁多人，但係呢啲都係我願意花嘅能力同經驗✨如果你哋都覺得想認識多啲，歡迎約出嚟飲一杯咖啡☕️