識我嘅朋友都知道，我喺國內打滾咗一段時間，雖然我唔係市場出身，但帶過嘅市場團隊唔少。個人經驗，我好清楚點樣去衡量一個市場部門嘅工作成效，KPI要點定、用咩方法計。管理上，我相信任何行為同數據都可以轉化成可量度嘅績效，反映每個部門對公司嘅實際貢獻同利益關係。 做咗多年行政管理，我想講一句：凡係對公司冇直接利益嘅人和事，喺公司角度嚟講，價值係零。無論去到邊間公司，賺錢永遠係第一位。只有公司賺到錢，先有資格講品牌價值。如果有咩事發生，第一反應係怪你個部門唔掂，不如停一停，反思一下：你個部門咁耐以來，究竟為公司創造咗啲咩價值？有冇一啲成果可以轉化成收入？如果冇，公司開門做生意，點解要留你？ 呢啲說話唔係針對邊個，所有部門喺公司入面都要問自己呢個問題。