廢物女友 前兩日佢買咗士多啤梨 叫我帶返工食 今日帶咗返去食 啲士多啤梨又香又甜好好味 諗起以前每次鬧交佢就會認錯 然後帶我食餐好補數 我哋就和好 但今次唔係食餐好就可以了.. 記得啱啱一齊搬入去個陣 我哋成日買士多啤梨食 每次都買一盒兩pack 隔幾日就買 咩品種都試 每次見到佢收工帶咗盒士多啤梨返嚟就會好興奮 仲會洗好哂 我負責食 個陣真係好開心好幸福 回不去了。 係北海道睇星個晚 你瞓係冰面我瞓係你心口睇住滿天繁星 個刻覺得好幸福好溫馨 但我無講出嚟 只係將呢啲感受收埋係心 心存感激 到最後分手個陣 你話你帶我去睇星係想俾男朋友感覺我 而我俾唔到女朋友感覺你 你感覺好似服侍緊公主 呢句嘢我好深刻 揮之不去 原本仲好內疚 諗緊自己係咪真係太公主 直到我睇到你同佢啲對話紀錄 你sd咗張滿天星嘅相同佢分享 我個刻先恍然大悟 你想陪你睇星個個人唔係我係佢 慶幸嘅係我睇唔明日文 唔係傷害會更深 其實我以前好獨立一啲都唔公主 咩都可以自己做 只係因為我想依賴你俾你照顧所以我先選擇做公主。