14年前- 2011年3月11日 我在日本岩手縣盛岡駅親身經歷強烈地震，日本當地市民冇人尖叫或者恐慌，我在現場只有聽到大廈搖動嘅聲音，彷彿好似聽到地球在呼吸一樣，而玻璃就好似一塊塊膠片咁樣搖動，但竟然一塊都冇爛。 全市停電下，旅館打開汽水機將所有飲品放在枱面俾任何人免費拎走。便利店雖然非常之多人，但大家只會買自己需要份量嘅食物，大家都好守秩序咁排隊俾錢，而職員亦堅守崗位用人手方式去收錢，雖然過程好慢但係大家都好有耐性等候。 有一個日本商人知道我係外國人，佢用英文解釋俾我聽發生乜嘢事，然後用佢手機開電視睇，呢個商人唔喺住東北，佢有買啲手信俾佢家人，但佢知道我未食lunch，所以將佢啲手信拆開分享俾我。 第二日佢同我出去搵方法離開東北，行咗好多地方，搵到最後一架JR巴士去秋田，但係架巴士馬上要離開，然後呢位商人拜託JR職員要等埋我哋，我哋即刻跑返酒店執行李，點知個巴士司機將架巴士開到我哋住嘅酒店門口，仲幫我哋搬埋行李上車，我非常之感動，3小時車程，然後呢程巴士係免費。 一個國家好定唔好，係發生災難嘅時候全世界都會睇到，多謝那日本商人，多謝Toyoko Inn盛岡駅前職員，多謝JR！