有感而發 睇咗眾量級咁多年，真心覺得Andy老師一直都好愛家寧。今次成個channel品牌俾家寧媽利用人嘅信任搶走，家寧喺隔離冇聲出，我覺得係受到自己嘅屋企人太大影響了，冇勇氣對抗自己屋企人，仲要成家都係物質主義嘅奴隸，埋沒良心咁，更何況自己阿媽拎住50%股權，佢自己同Andy都係25%，緊係聽大人話啦，有權有勢。唔係人人都可以勇敢對抗到呢啲人同情況，家寧呢個女仔一直以來都係軟弱被寵嘅形象，點會咁容易變得強勢獨立。 所以薔薔訪問家寧講起感情問題嘅時候，家寧都要問薔薔可唔可以教佢，其實家寧係想成為更好嘅人，但而家嘅佢做唔到，因為有佢嘅屋企人，喺多年前已經控制住佢。