見到呢壇嘢嘅部份留言真係嘆氣： 「25都可以唔成熟喎」「車而家啲細路15,16歲都好成熟啦」 我唔知呢啲留言係咪有imply 保護兒童法律不合事宜嘅意味 又或者認為15,16就唔應該當作兒童看待 其實單係句句子，佢哋可能講得啱 有啲未成年人已經有超越成年人嘅心智成熟 但法律係要嚟廣泛保護可能受不公傷害嘅群體 而事實上係大部份未成年人，有機會喺體格上、權力上、財力上都不及成年人 而掉入grooming嘅危險 唉可能大家都係鳩噏吓而我認真咗 但我最怕原來某部份大眾嘗試將兒童受保護嘅權利模糊化 我覺得好可怕