Sex culture 本質上牽涉到人類性慾如何被建構同trigger，而呢個過程背後往往受power dynamics所影響。Power dynamics又深刻地反映一個社會嘅文化，包括性別角色、社會價值觀、甚至權力運作模式，呢點其實幾值得深思。 曾經有位counsellor同我講，女性喺性行為入面往往會搵 sense of control，而男性則係透過性獲取征服感，呢種對性慾嘅理解，某程度上反映出傳統社會對性別角色嘅塑造。當然，呢種說法並唔係絕對，每個人對性慾同權力嘅感知都會受到個人成長經歷、文化背景、同社會環境影響。但如果將性慾放喺power dynamics同social culture框架入面去理解，會發現 sex culture 並唔只關於個人慾望，而係涉及更深層次嘅社會結構同價值觀。