1. 有個唔熟嘅同學想join排球學會 我唔識打排球 想走佢拉住我手迫我陪佢 我打到隻手瘀晒 完嗰陣佢去揾返佢班frd 掉低我自己一個 2. 玩攤位遊戲 我唔想玩所以一個都冇玩到 但係最後一個game 要用之前攤位遊戲啲積分 我靜雞雞問我嗰陣自以為最好嘅frd 點算 佢聽完指住我大大聲同阿sir講我冇去玩到遊戲 3. 返工放飯嗰陣有兩位視障人士企咗喺舖頭門口 大家都嚟遠望住唔幫手 放緊飯嘅我問人咩事就畀人點咗去幫手 跟住點知係要去廁所（唔同性） 所以我都係扶佢哋到門口 跟住返舖頭嗰陣畀經理話 你點解唔揾個同性別嘅人去扶佢？ 4. 小學有次要簽回條 唔記得內容係乜 但總之係要家長打電話確認完先可以簽嗰份通告 再交返畀學校 咁呢啲要家長配合嘅嘢遞交期限就好長 嗰陣有半班人都未交 個阿sir催 問我咁你諗住幾時交 我話 準備㗎啦… 佢就當住全班人狂屌我：「準備？即係點？呢啲嘢點準備？你阿爸阿媽係咪連簽個名嘅時間都冇啊？」 我記得我嗰陣冇講到嘢 點知到我交完之後個阿sir仲未收齊再催嗰陣 有人答佢 佢阿爸阿媽冇時間 阿sir點頭：「明白嘅 有啲父母真係連打個電話嘅時間都冇」