今日同中學同學食飯 我問朋友：「where do your career aspirations come from?」 朋友：「I think this field is trending globally and it’s something that drives impact to the community」 當年大家一齊中學畢業，大學又入同一間U，而家初出社會，大家都係摸索緊自己條路。大家成長背景、人生階段都好相似，傾咗好多，大家都喺成長嘅路上跌跌撞撞，見步行步，就算不安，就算好多自我懷疑，但係從來冇停下腳步。呢個陪伴彼此成長10年嘅過程，見證對方嘅變化，都真係幾珍貴，畢竟人嘅結果只有一個，過程中嘅ups and downs與思考先係最珍貴，經歷先係最寶貴嘅部分。 我同佢講：「我揀咗條辛苦啲嘅路，我都有諗過stay in the comfort zone，但係如果我係咁鍾意舒服同安穩，咁我當初點解要去英國讀書？所以我同自己講，行埋落去。」 漂洋過海，寒窗苦讀，都不過係想人生睇多啲風景，多啲選擇，可以有能力成為自己，祝福我地都可以成為想成為嘅自己，好好感受世間百態。