香港呢排天氣反覆無常，一時凍、一時熱、一時濕、一時又熱又濕，搞到都唔知着咩衫先好😩不如又順便講吓喺投行世界入面，啲IBankers又會著咩返工？其實大部份 IBankers 冬天返工都會不約而同地著同一個牌子—Patagonia嘅羽絨背心，漸漸令到呢件背心成為身份嘅象徵！ Patagonia 嘅價位唔算平，正好低調地展現出金融才俊嘅豐厚收入。正如前面講到，好多世界頂尖嘅投行都會同 Patagonia 合作，新入職嘅員工都會收到一件印有銀行名嘅背心，所以呢款背心自然就會成為咗金錢同成功嘅象徵，甚至喺二手市場度俾人高價炒賣。精英大佬們都對呢套 outfit 情有獨鍾，億萬富豪出席 Billionaire Summer Camp 嘅 Sun Valley Summit 、傳媒大亨 Rupert Murdoch 個仔 Lachlan Murdoch、亞馬遜創始人 Jeff Bezos 都係呢款背心嘅擁躉。就連《泰晤士報》報導標題都係：「想穿到好似個億萬富翁咁？只需要著件馬甲。」 (下續）