旅行小確幸 尋晚喺南機場食嘢，其實食得好飽但見到好多人排間潤餅就去排隊買下。拎飛仔嗰陣老闆娘話可能到我嗰陣會賣哂，但反正冇嘢做所以決定等下。 見到我前面啲人十個八個咁賣都心諗冇得食，但既然等咗不如等埋。去到我嗰陣真係咁啱淨最後一個，勁開心！仲要係因為有條友晏咗返嚟冇買到所以我先有，我係天選之子！ 咁我等緊老闆整我嗰個陣，其他客已經拎到走哂，呢個時候有對情侶嚟到，老闆娘話冇哂了，佢地勁sad咁準備離開。嗰下我唔知邊到嚟勇氣問佢地想唔想要半份，叫老闆將我嗰份一開二，請佢地食一半。佢地勁開心咁走左。個潤餅好好食，好彩有畀一半人如唔係應該飽到嘔。 但我食哂先醒起，唔記得問佢地食唔食芫荽😭😭😭希望唔會因為佢地唔食臭西嘥左舊餅🥹