成功領養的心路歷程 (一) 認識我既朋友都知道 我上年8月成功領養到Lucca Lucca係一隻白色唐狗 領養佢時佢得2個月 俾義工姐姐發現既時候佢係同哥哥係坑渠 成功領養到Lucca之前 其實我同我老公都碰過好多次釘 經歷左半年 被好幾個領養機構拒絕 我先知道 係HK領養係要過五關斬六將 首先第一間接觸既係 HKXR (我唔開名啦) 我地去左佢地位於堅尼地城既headquarter睇狗 去到當然唔會即刻俾我地入去見到狗既地方啦 先係門口度問左我地幾條問題 "點解想領養呀?" "屋企有幾多人呀?" "有冇養過狗呀?" 好正常既問題 之後就填下問卷 跟住 就問我地工作時間 知道我同老公都有工做 就已經有少少變臉 我當時初次接觸 都唔知佢做咩無啦啦想趕客咁 之後終於俾我地去見下D狗仔啦 玩左20分鐘左右 我地就話走啦 因為當時D狗好似好驚陌生人 我地又唔想嚇親佢地 所以都冇咩好互動既接觸 離開狗舍既時侯 我就知道點解佢地個headquarter係堅尼地城 因為佢地真係堅離地 佢地話: 你預左你兩公婆都要返工都好難領養到... 待續...