話說2023年11月10日 我ex同我慶祝完我生日 凌晨三點佢同我講分手 第二日我收拾包袱帶埋隻狗搬走 當時一路不能理解點解佢咁樣對我 一齊接近三年 同居三年 陷入自我懷疑 自我檢討 雖然喊左一個禮拜就冇事 但我好清楚心裡面既情緒冇完全釋放 係抖音見到川西既日照金山⛰️ 個一下好想去 即刻買機票 2023年12月13號 一個人拉住行李 join左個只有4個人既小團 同陌生人同車同住4日 經歷一次與大自然最接近既體驗 坐係山頂望住雪山 由中午見住日落 導遊話我地好好彩 可以睇到日照金山 其實12月好多山都會封山 因為導遊識得當地村民先帶到我地上山 忍受著4千7既海拔 呼吸困難 頭痛 超級大風 超級凍 時間係個一刻好似靜止左 我所有既疑問都好似被帶走左 望住雪山 發現人真係好渺小 大自然係需要有敬畏之心 我享受著大自然帶俾我既治癒 我個刻釋懷左 唔憎我個ex了 因為佢 我先有機會見到咁壯觀既場面 雖然一個月後,係台灣俾我撞破ex同條女一齊 最後個天都係選擇俾我知個答案😂 依家我好努力愛自己 做自己想做既 我唔後悔任何決定 因為每一小步都成就左今日既我 分享完畢🤞🏻🤫