你令我諗返起我初初出嚟做嘢嘅時候，人生第一次去旅行，佢係我同學嚟嘅，我哋好friend。嗰次仲同埋佢兩個親戚一齊跟團。佢嗰啲少爺脾氣，唔淨係我，連佢兩個親戚都頂唔順。我仲更加慘，同佢一間房，換條褲都要我入洗手間換，但我同佢講我入邊有着底褲喎，唔係除晒，佢都堅持要我入廁所換。最後嗰日行程，係自由時間，我終於忍唔住同佢講各有各玩。返到香港後都有聯絡，不過已經Blacklist咗佢。其實之後佢又再約我去旅行，不過咁啱我轉咗份工，乘機話新工老細唔容易俾我放假，尤其係新人，之後就冇再搵我去旅行。