小學種種低能教學規範嘅根本原因，就係因為教師要跟syllabus教。syllabus話要叫六邊形所以六角形唔啱，2x3係2+2+2所以3+3唔啱，唔啱嘅真正原因係因為咁樣方便佢地(跟syllabus)教。而佢地為咗要合理化呢堆不合理嘅規範，又會作好多嘢嚟解釋，通常都係話唔咁樣教小朋友理解唔到，例如六角形嘅話有反角就會理解唔到。可以想像如果個學生寫三角形做三邊形，又會有另一套說法話學生錯。