「願我18 22就學懂的事」 (2) 識做人，係一種智慧 曾經有一位中學同學，相識超過十年，當時佢經歷緊人生低潮，阿爸過咗身，情緒好低落，甚至有啲抑鬱。嗰陣時我未接觸玄學，亦都未識心理治療，但我份人最識運用順便同手頭上嘅資源。 我知道另一個朋友正讀緊心理學碩士，咁啱又住喺附近，於是就約咗佢哋一齊食dinner。成個過程，我不斷陪住呢位中學同學傾偈，聽佢講心事，陪佢行返屋企，希望可以幫佢舒緩一下情緒。 到最尾，佢請咗我嗰位讀心理學嘅朋友食飯，但係冇請我，甚至連一句「唔該」都冇講。當時我心裡有啲唔舒服，唔係因為一餐飯，而係覺得自己嘅付出好似被忽略咗。 呢件事令我明白，識做人，真係好重要。識做人，唔係指要識討好別人，而係懂得感恩同尊重他人嘅付出。好多時候，我哋對陌生人或者普通朋友會好客氣，但對最親近、最熟悉嘅人，反而用一種冷淡嘅方式去對待，覺得「佢哋會明白嘅」、「唔使講咁多」。 (留言續) 成長