聽講今仔是白色情人節， 佮逐家分享這張我到西班牙頭一年翕的。 彼當時我學期結束，第一改去旅行， 人到上南爿的一个細都市， 離英國的直布羅陀有夠近， 用行的就會當出國。 到飯店囥了行李出來踅踅咧， 就看著這幅佇路邊壁頂人畫的。 看著的彼瞬間， 其實心情真歹用語言表達， 因為無想到講佇一个無人用LINE的國家， 竟然會看著熊大佮兔兔。 彼種人已經離開故鄉的體悟， 加上頂懸寫的溫暖文字， 彼款感受，我到今猶攏會記得。 「是為著你， 為著你發的光輝。 自彼時開始， 就親像日頭的光明。」