～何必分分計較～ 最近好多學校考完試派卷 慶幸我小朋友的考試同朋友們唔一樣 我可以係群組已讀不回 見到佢哋各自曬分數 已經90分以上 甚至接近100分 仍然為被扣果幾分斤斤計較 又要話小朋友唔小心 又話老師咁嚴格 又話出題有問題 唔達標的科目又要講一輪 睇到我唔想再睇 知識係要學嘅 但過程之中佢嘅內在成長更重要 我以前都好執著 我成長的年代個個小朋友都係well trained 人大左睇化左，想放過自己同小朋友 唔希望小朋友讀書嘅目的只為滿足我嘅期望 以前我好多大道理 唔係要你成績好 係要你態度認真（turn out其實成績都係指標） 但諗深一層，自己都只對有興趣嘅事認真 其實學習興趣同動力先係重點！ 個個小朋友都唔同 大家又會用咩方法提升小朋友嘅動力？