有啲感受.. 今日喺路上見一個疑似受傷嘅斑鳩. 當時發現是1:30左右， 之後我打去spca求救. 佢哋話而家嚟唔到,要起碼一個鐘. 我陪住隻斑鳩. 佢由路邊自己行咗入去草叢坐低，之後瞓低. 我開始覺得佢越嚟越差. WhatsApps spca同佢講叫佢哋快啲嚟! 佢哋話手頭上嘅嘢要處理, 要起碼一個鐘頭後. 我喺Facebook搵到有關鳩鴿及雀鳥既group. inbox問佢哋點樣處理. 幸好有人答我， 佢好細心話俾我知點做，需要啲乜嘢. 隻斑鳩當時已經冇乜反應， 我盡力去摸佢仲有冇心跳. 當時仲有微弱心跳. 因為個位置我好難拎出嚟， 最後佢教我要保暖同埋返入個紙袋或者膠袋. 我去買完返嚟， 拎出嚟嘅時候， 已經感覺佢身體僵硬. 亦都唔再聽到有微弱心跳. Facebook group嘅人佢話佢應該已經過咗身. 我將去包好放喺買返嚟嘅紙袋裏. 當時差唔多3點. 我WhatsApp spca 講你哋唔需要嚟 佢已經過咗身. 佢哋話仲處理緊手頭上嘅工作. 我明白人手一定非常短缺 但係所有嘅生命都好重要， 我已經三番四次打電話同WhatsApp催促佢哋過嚟. （留言繼續）