米高今年23歲喇，暫時係皮叔叔影過最老嘅貓。不過歲數唔洗鬥大，只要舒舒服服，無憂無慮就好。 米高嘅爸爸媽媽都係老人家，老夫老妻已78歲，為老人家們預約影相嘅係佢地已結婚，搬離屋企嘅女兒，同樣曾預約皮叔叔為自己屋企上嘅老貓貓影相，而其中一隻係影相後不久就安祥離開，「我叫米高做細佬㗎，會成日上嚟屋企幫米高剪下指甲啊，補充下補品呀，米高老了，最近已全盲，又好似聽得唔太好，所以我更加想安排爸爸媽媽同米高影輯相。」 爸爸仲好記得同米高嘅初見，「米高年輕時靚仔又高大，係銅鑼灣愛協嘅貓店長，我哋同佢有眼緣，去左愛協三次，愛協先捨得俾米高我哋。」年輕時嘅米高聲氣唔多，反而老左後就成日依依哦哦，例如會投訴飲用水唔夠暖，「就拉長聲音喵，好似話緊點解無暖水！」爸爸笑住説。祝福米高呀，要繼續高床暖枕，過晚年嘅每一天。 。・°°・・°° 市集見啊！歡迎嚟了解下上門寵物拍攝對貓狗兔兔等孩子嘅巨大好處，仲有皮叔叔皮嫂嫂為何為咁多小膽寶影相呀！ 日期：3月29-30日 時間：12:00-19:00 地點：荃灣南豐紗廠1樓 寵物攝影 #上門寵物拍攝 #上門貓貓拍攝