完全認同，講得非常好。 其實我唔在意粵語係咪最「正宗」「正統」嘅中文， 語文在於活用，用就一定有創新、發展、變化， 最「正宗」「正統」嘅只有鎖入博物館展櫃，冇人用嗰啲。 粵語用某啲角度比較，係比其他漢語有啲優點， 用另一啲角度比，有其他漢語又會好啲， 但無論點，我唔會覺得有咩優越感。 我在意嘅係啲人踩粵語。 「台G」高捧佢哋嘅Mandarin，覺得好有優越感，然後踩粵語。 眾聲反駁時，或者有啲反駁講得冇咁好， 但係大樑與木屑呀人兄！ 「台G」條大樑你唔理，走去鬧啲木屑， 即係「發現胖虎打柒大雄幅圖」，結果咪就係「幫胖虎打柒大雄」囉！ 一係呀人兄犀利到按錯誤比例公平咁鬧， 條大樑鬧95%，啲木屑鬧5%。咁樣我都認同。 但係呢個時候衝出嚟鬧木屑，無視條大樑，同為虎作倀冇分別。